မဲလံဆံတော်ရှင် စေတီတော်


မဲလံဆံတော်ရှင် စေတီတော် 

မွန်ပြည်နယ် ဘီးလင်းမြို့နယ်အတွင်းရှိ မဲလံဆံတော်ရှင် စေတီကို မဲလံတောင်မှာ တည်ထားကိုးကွယ် ထားပါတယ်။ 

မဲလံတောင်က ဘီးလင်းမြို့ရဲ့ မြောက်ဘက် (၁၄)မိုင် (၅)ဖာလုံ အကွာမှာရှိတဲ့ ဘီးလင်း - ဖာပွန် ကားလမ်းမ နံဘေးမှာ တည်ရှိပါတယ်။ 

မဲလံတောင်ကို အဝေးက လှမ်းကြည့်ရင် လဲလျောင်းနေတဲ့ နဂါးတစ်ကောင်အလား ထင်မှတ်ရပါတယ်။

မဲလံတောင်ဟာ ကျောက်တောင်အမျိုးအစား ဖြစ်ပြီး တောင်ပေါ်မှာ ဘုရား၊ စေတီ ပေါင်း ၄၀ ဝန်းကျင်လောက် တည်ထားလျက် ရှိပါတယ်။ 

မဲလံဆံတော်ရှင် သမိုင်းသည် သထုံရာဇဝင်နှင့် နှီးနွယ်လျက် မြတ်စွာဘုရားသခင် သုဝဏ္ဏဘူမိသို့ ဒေသ စာရီကြွရောက်ပြီး ဆံတော်ဓာတ်များ ချီးမြင့် ပေးသနားတော်မူသည့် သမိုင်းနှင့်ဆက်နွယ်လျက်ရှိကြောင်း ရှေးလူကြီးသူမများ ပြောကြားမှုမှတစ်ဆင့် မှတ်သားရပါတယ်။ 

မဲလံစေတီတော်တည်နေရာမှာ ယခင်ကသွားရန်
မလွယ်ကူ တောကြိုတောင်ကြားတောင်ထွတ်များ ခြုံနွယ်ပိတ်ပေါင်းကြားမှာ တည်ရှိသဖြင့် လူသိနည်း အရောက်အပေါက် နည်းခဲ့ပါတယ်။ 

   အခုချိန်မှာတော့ လမ်းပန်းဆက်သွယ်ရေး ကောင်းမွန်လာပြီဖြစ်သလို ကျိုက်ထီးရိုးတောင်ကဲ့သို့ ကားဖြင့် အတက်အဆင်း လွယ်ကူစွာ ပြုလုပ်နိုင်တဲ့အတွက် မြန်မာပြည်အရပ်ရပ်မှ ဘုရားဖူး ပြည်သူများ နေ့စဉ်မပြတ် လာရောက်ဖူးမြော်နေကြပါပြီ။ 

တောင်ခြေရင်းမှာ ဒေသထွက် သစ်ဥသစ်မြစ် ၊ သစ်သီးဝလံ ပန်းမန်များ ၊ အမှတ်တရ ပစ္စည်းများကိုလည်း ရောင်းချပေးလို့ မိတ်ဆွေ အပေါင်းအသင်းတွေအတွက် လက်ဆောင်အဖြစ် ဝယ်ပြန်ပေးလို့ အဆင်ပြေပါတယ်။ 

ဆံတော်တောင်နှင့် အနီးပတ်ဝန်းကျင် ရွာများတွင်လည်း ဖြူစင်ရိုးသားသော ကရင်လူမျိုးအများစု နေထိုင်ကြပါတယ်။

နှစ်စဉ် တပေါင်းလပြည့်တိုင်း ဘုရားပွဲတော်များကို စည်းကားသိုက်မြိုက်စွာ ကျင်းပကြပြီး သက်သက်လွတ် စတုဒီသာနဲ့ ကျွေးမွေးဧည့်ခံလို့ အခွင့်သာရင် အလည်လာရောက် ဖူးမြော်ကြဖို့ ဖိတ်ခေါ်ပါတယ်။
#ကိုးကား ဖေ့စ်ဘုတ် ၊ ဝီကီ
#Austin

Comments

Post a Comment

Popular posts from this blog

မြန်မာပြည်(နာဂကိုယ်ပိုင်အုပ်ချုပ်ခွင့်ရဒေသ)ထဲက ဘာမြူဒါ (သို့ ) ပြန်လမ်းမဲ့အင်း

Image
မြန်မာပြည်(နာဂကိုယ်ပိုင်အုပ်ချုပ်ခွင့်ရဒေသ)ထဲက  ဘာမြူဒါ (သို့ ) ပြန်လမ်းမဲ့အင်း  ( The Lake of No Return ) _______ ဖြစ်စဉ် (၁) ဒုတိယကမ္ဘာစစ်အတွင်းက အင်္ဂလိပ် မဟာမိတ်တပ်တွေဟာ စစ်ရှုံးပြီးထွက်ပြေးတဲ့ ဂျပန်တပ်တွေကို လေကြောင်းတိုက်ပွဲတွေ လိုက်လံဆင်နွှဲခဲ့ပါတယ် ။အဲဒီစစ်လေယာဉ်အမြောက်အများဟာ နောင်ယန်းအင်းကို ဖြတ်ပြီးပျံသန်းချိန်မှာ ထူးဆန်းစွာပျောက် ဆုံးသွားကြပါတယ် ။အင်းထဲပျက်ကျတာ ဖြစ်နိုင်တယ်လို့ သုံးသပ်ပြီး စုံစမ်းရှာဖွေဖို့ တပ်ရင်းတစ်ခုကို ထပ်မံစေလွှတ်လိုက်ပေမယ့် ၊ အဲဒီစေလွှတ်ခံရတဲ့ တပ်ရင်းတစ်ရင်းလုံးပါ ထူးဆန်းစွာ ပျောက်ဆုံးသွားခဲ့ပါတော့တယ် ။ဒါကတော့ အိန္ဒိယမြန်မာနယ်စပ် ၊ ပန်ဆောင်မြို့အနီးက နောင်ယန်းအင်းလို့ခေါ်တဲ့အင်းတစ်ခုကို ပြန်လမ်းမဲ့အင်း ( The Lake Of No Return ) လို့ နာမည်စတွင်စေခဲ့တဲ့ အကြောင်းရင်းများစွာတွေထဲက တစ်ခုပဲဖြစ်ပါတော့တယ်။ ဖြစ်စဉ် (၂)  စစ်ရှုံးပြီး မြန်မာနိုင်ငံကနေ ပြန်လည်ဆုတ်ခွာသွားတဲ့ ဂျပန်စစ်တပ် တပ်ခွဲတစ်ခွဲဟာ နောင်ယန်းအင်းအနီးမှာ ညအိပ် စခန်းချ ရပ်နားစဉ်မှာပဲ ထူးဆန်းစွာ ထပ်မံပျောက်ဆုံးသွားပြန်ပါတယ်။ဂျပန်စစ်တပ်အကြီးအကဲတွေကတော့ ခရီးပန်းတဲ့ဒဏ်၊ ရာသီဥတု ဒဏ်နဲ့ငှက
Read more

ဘာမြူဒါ တြိဂံ (Bermuda Triangle)

Image
ဘာမြူဒါ တြိဂံ (Bermuda Triangle)  _________ ဘာမြူဒါ တြိဂံ (Bermuda Triangle) သည် အတ္တလန်တစ် (Atlantic) သမုဒ္ဒရာ၏ အနောက်မြောက်အရပ်တွင် တည်ရှိသော နေရာတဝိုက်ဖြစ်ပြီး ထိုနေရာမှာ သင်္ဘော၊ လေယာဉ်များ ပျောက်ဆုံးသွားသည်ဟု နာမည်ကြီးသော နေရာဖြစ်သည်။ ဘာမြူဒါ တြိဂံဟု ခေါ်ရခြင်းမှာ ထိုနေရာတည်နေပုံသည် တြိဂံပုံထွက်နေသောကြောင့်ဖြစ်သည်။ အကြမ်းဖျင်း အားဖြင့် မက္ကဆီကို ပင်လယ်ကွေ့၊ ဖလော်ရီဒါ ပြည်နယ်၏ အစွန်းနှင့် ကာရီဘီယံကျွန်းများ အနီးတစ်ဝိုက်ဖြစ်သည်။ ထိုနေရာကို သတိထားမိပြီး ပထမဆုံး မှတ်တမ်းတင်ခဲ့သည်မှာ ခရစ်စတိုဖာ ကိုလမ်ဘက်စ် (Christopher Columbus) ဖြစ်သည်။ ၁၄၉၂ အောက်တိုဘာ ၁၁ ရက်နေ့တွင် မိုးကုတ်စက်ဝိုင်းမှ ထူးဆန်းသည့် အလင်းရောင်များကို တွေ့ရှိခဲ့သည်။ မိုးကောင်းကင်တွင် မီးများ တောက်နေသကဲ့သို့ တွေ့ရသည်ဟု သူ၏စာအုပ်တွင် ရေးသားခဲ့ခြင်းဖြစ်သည်။ မည်သည့်အတွက်ကြောင့် ထိုသို့ဖြစ်ရသည်ကို မည်သူမျှ အသေအချာမသိသေးပါ။ အရီဇိုးနားပြည်နယ်တက္ကသိုလ်မှ သုတေသီ လောရင့် ဒေးဗစ် ကူရှေး (Lawrence David Kushe) သည် သုတေသနပြုလုပ်ပြီးနောက် The Bermuda Triangle Mystery: Solved (1975) စာအုပ်ကို ရေးသားခဲ့ပြီး မှတ်ချက်ချလိုက်သည်
Read more